Depozita me Afat për Bizneset

Depozita me afat është një depozitë me afat e të ardhurave që klienti depoziton në bankë për një periudhë të caktuar e cila mund të zgjasë një ose dy javë, një muaj, tre muaj, gjashtë muaj, nëntë muaj, një vit ose dy vjet (vetëm për depozitat në Lek, Euro dhe USD)dhe 3 vjet vetëm për Depozitat në Euro dhe Lek.

Për klientët biznes dhe korporatë banka ofron depozita me afate dhe interesa të ndryshueshme, në mënyrë që ju të investoni me efikasitet likuiditetin afat-shkurter. Banka ofron depozita në monedha të ndryshme p.sh LEK, EUR, USD dhe GBP.

Dy lloje depozitash:

Depozita të rinovueshme (me interes të kapitalizuar ose jo të kapitalizuar)
Depozita të parinovueshme (shuma e depozitës dhe interesat kreditohen automatikisht në datën e maturimit të Depozitës me Afat në llogarinë rrjedhëse të klientit).

Normat e interesit publikohen në Tabelën e Normave të Interesit (faqja kryesore, djathtas poshte), e cila përditësohet pa njoftim paraprak nga Banka. Interesi përllogaritet mbi bazë vjetore.

Avantazhet e Depozitës me Afat

Mund të menaxhohet nga llogaria rrjedhëse;
Norma e interesit bazohet në shumën e depozitës;
Mundësi për të zgjedhur afatin e dëpozitës: 1, 3, 6, 12, 24 dhe 36 muaj (3 vjet vetëm për Depozitat në Lek dhe Euro)
Mundësi për hapjen e një depozite me afat për një periudhë më të shkurtër se 30 ditë;
Mundësi për të negociuar për një afat të caktuar depozite;
Mundësi për të depozituar fonde të tjera në llogari gjatë afatit të përcaktuar të depozitës;
Të gjitha depozitat, fillestare dhe depozitat shtesë, regjistrohen si depozita individuale në llogarinë e klientit dhe aplikohet interes individual deri në datën më të afërt të maturimit kur depozitat bashkohen;
Në datën e maturimit të depozitës, depozita mund të rinovohet automatikisht (për të njëjtën shumë ose jo, sipas udhëzimeve të klientit)