Tiranë, 8 qershor 2006 - Këtë vit, Banka Amerikane e Shqipërisë hapi me sukses dy degë të reja, një në Selanik të Greqisë dhe një tjetër në qytetin e Lushnjës. Gjithashtu, Banka e zgjeroi më tej rrjetin e vet në Tiranë duke shtuar tre agjenci të reja. Agjencia Karl Topia është njësia bankare më e re e cila u hap më datë 2 qershor 2006.

 

Agjencia e re gjendet tek kryqëzimi i Zogut të Zi, në katin e dytë të Qendrës Tregtare “Karl Topia”. Hapja e kësaj agjencie është një tregues që dëshmon se BASH po pozicionohet në mënyrë strategjike nëpër Tiranë për të qenë më pranë klientëve të saj ekzistues dhe atyre potencialë.