Marrë nga Shtypi: Itali-Shqipëri: Topi, Roma partneri i parë tregtar
(ANSA) - Torino, 16 Tetor – Shqipëria, një realitet i karakterizuar nga një normë rritjeje vjetore prej 6% që ka Italinë si partner kryesor tregtar, është e interesuar të rrisë marrëdhëniet ekonomike me Piemonten. E ka nënvijëzuar Presidenti Shqiptar Bamir Topi, në takimin e zhvilluar në Torino me Presidenten e Krahinës së Piemontes, Mercedes Bresso.
Krahina e Piemontes është tashmë e pranishme në sektorin bankar shqiptar, ku grupi Intesa Sanpaolo është përfshirë në kapitalin e BIA (Banka Italo Shqiptare) dhe ABA (American Bank of Albania), sot Intesa Sanpaolo Bank Albania dhe do të mund t’u ofrojë biznesmenëve të vet mundësi të mira për të investuar në sektorin e energjisë, industrisë në përgjithësi dhe turizmit.
“Na interesojnë së tepërmi - ka thënë Topi - mundësitë e investimit të lidhura me karakteristikat e Krahinës së Piemontes. Kemi nevojë për ndërhyrje në fushën industriale, të energjisë, bujqësisë dhe turizmit. Të huajt që vizitojnë vendin tonë theksojnë që Shqipëria zotëron plazhet e fundit të virgjëra dhe të paeksploruara në Europë. Jemi të interesuar për zhvillimin e turizmit, nën një optikë respektimi dhe harmonie me ambientin.”
|
produktet po ngarkohen
