Tiranë, 4 shtator 2006 - Në vazhdën e zgjerimit të mundësive për pagesat me kartë Banka Amerikane e Shqipërisë ka nënshkruar një marrëveshje tjetër me Bashkinë e Tiranës nëpërmjet të cilës çdo individ apo biznes që dëshiron, mund t’i paguaj taksat vendore edhe me kartën Visa ose MasterCard.

 

Banka ka instaluar një terminal POS (Pikë-Shitje) pranë arkave të Bashkisë së Tiranës. Kështu çdo kartëmbajtës ka mundësinë që të bëjë shlyerjen e të gjitha detyrimeve, taksave dhe gjobave të bashkisë në mënyrë plotësisht elektronike me kartë pa ndjerë kufizimet e parasë Kesh.

 

Pagesat që mund të kryen me kartë përfshijnë: Taksa mbi pasurinë për kategorinë e biznesit, taksa e fjetjes në hotel, taksa për zënien e hapësirës publike, taksa e regjistrimit të automjeteve, taksa e kalimit të pronësisë, tarifa e regjistrimit, tarifa e pastrimit, tarifa e reklamës, gjoba dhe kamatë vonesa, qera ndërtese, qera trualli, shitje trualli, shitje dokumentash tenderi, taksë gjuetie, etj.