• No Suggestions Result

RRITJE E SIGURISE PER BLERJET ONLINE!

Verifiko numrin celular pranë Bankës!

Rritje e sigurisë për blerjet online!

Intesa Sanpaolo Bank Albania po shton sigurinë për blerjet online / internet për pagesat me kartë debiti dhe krediti nëpërmjet teknologjisë 3D Secure.

Teknologjia 3D Secure rrit sigurinë e pagesave online nëpërmjet kodit një-përdorimësh (One Time Password) i cili do të dërgohet te klienti kartëmbajtës gjatë kryerjes së transaksioneve në tregtarët elektronikë.

Së shpejti, blerjet pranë tregtarëve të certifikuar nga “Mastercard SecureCode” dhe “Verified by Visa”, nuk do të mund të realizohen pa autentikimin e kodit një-përdorimësh.

Shërbimi i 3D Secure që do të shtohet, do të jetë falas për klientët.

 

Si funksionon?

Pasi klienti të zgjedhë produktin/shërbimin në tregtarin elektronik, për të realizuar transaksionin, do t’i kërkohet të vendosë të dhënat e kartës së debitit apo kreditit.

Në këtë moment, banka do të dërgojë automatikisht me SMS kodin një-përdorimësh, bashkë me të dhënat e transaksionit, për të përfunduar me sukses autentikimin e plotë dhe transaksionin online.

Kodi një-përdorimësh (One Time Password) do të dërgohet në formën e mesazhit (sms) në numrin e telefonit celular që kartëmbajtësi ka deklaruar pranë bankës. Në mënyrë që kodi një-përdorimësh të mbërrijë me sukses duhet që numri i telefonit celular i deklaruar në bankë nga klienti të jetë i saktë dhe aktiv.

Për këtë arsye dhe në mënyrë që klientët të kenë një përvojë sa më të mirë dhe të sigurtë gjatë blerjeve online/internet, ju kërkojmë të verifikojnë sa më shpejt numrat e telefonit celular të deklaruar në bankë. Vetëm nëse numri celular i deklaruar në bankë është i saktë dhe aktiv, klienti mund të përfundojë me sukses transaksionin online.

 

Për të verifikuar numrin e telefonit celular, klientët mund të kontaktojnë shërbimin Call Center në numrat: 08006000; +355 4 2276000; +355 692080903 ose të pyesin shërbimin e klientit në degën më të afërt.

Të duhet ndihmë?

Kontakto shërbimin e klientit

Zgjidh asistencën e duhur

+355 4 22 76 000

Shtyp 1 për Shqip; 2 për Anglisht; 3 për Italisht
Për t'u lidhur me Shërbimin e Klientit
1
Për të raportuar një Kartë të Humbur ose të Vjedhur
2
Për Shërbimet e Thesarit
3
Për t'u rikthyer në Menunë Kryesore
0

Faqja Zyrtare e Intesa Sanpaolo Bank Albania përdor Cookies për të të siguruar eksperiencën më të mirë të kërkimit. Duke klikuar mbi "Prano të gjitha Cookies", ti pranon për ruajtjen e Cookies në pajisjen tënde për të rritur cilësinë e lundrimit në faqen e internetit, analizimin e përdorimit të faqes dhe na ndihmon në përpjekjet tona të reklamimit. (COOKIE POLICY).