Për të hapur një llogari FUTURA mjaftojnë 10,000 LEK, 100 USD ose 100 EUR.

 

Llogarinë në emër të fëmijës mund ta hapë prindi, kujdestari ligjor i fëmijës, apo dhe ndonjë i afërm i fëmijës. Por sipas ligjit, pavarësisht se kush e hap llogarinë, vetëm prindi apo kujdestari ligjor i fëmijës ka të drejtë të administrojë llogarinë.

 

Kjo llogari i mundëson kujtdo që dëshiron të depozitojë, në çdo moment dhe në çfarëdo lloj shume që dëshiron.

 

Prindërit, kujdestari ligjor, apo i afërmi, duhet të sjellin një dokument identifikimi si pasaportë të vlefshme, letërnjoftim, ose dhe çertifikate me fotografi (lëshuar 3 muajt e fundit).

 

Gjithashtu duhet të sjellin edhe dokument identifikimi për fëmijën si pasaportë, çertifikatë me fotografi, si dhe një çertifikatë familjare (për prindërit).

Llogaria FUTURA përfiton interes preferencial. Interesi për këtë llogari ndryshon 4 herë në vit: në 1 janar, 1 prill, 1 korrik dhe 1 tetor. Interesi kreditohet në llogari një herë në vit, në datën 31 mars.

Në çdo moment, ju mund të pajiseni me një gjendje të llogarisë së fëmijës, për çdo periudhë që dëshironi përkundrejt asnjë pagese. Gjendja e llogarisë ju informon për çdo veprim të kryer në llogari, si dhe për interesat e kredituara deri në atë moment.

Llogaria FUTURA është një Llogari Kursimi afatgjatë. Si e tillë ajo nuk mund të përdoret për tërheqje deri sa fëmija të bëhet 18 vjeç.

 

Fëmija fiton të drejtën e përdorimit të llogarisë së tij/saj kur ai/ajo bëhet 18 vjeç. Banka njofton me shkrim fëmijën mbi ekzistencën e llogarisë FUTURA, në ditën që ai/ajo fiton aftësi të plotë për të vepruar. Momenti kur fëmija mbush 18 vjeç, është maturimi i kësaj llogarie, dhe ajo shndërrohet në një Llogari Rrjedhëse të zakonshme.