Divizioni Ndërkombëtar i Bankave Filiale Intesa Sanpaolo (ISBD) ka shënuar suksese të jashtëzakonshme gjatë tre viteve të fundit, pavarësisht nga turbulencat financiare globale të shkaktuara nga pandemia e Covid-19 dhe lufta në Ukrainë.

Totali i aktiveve për divizionin është rritur me pothuajse 24% që nga viti 2019, dhe ai gëzon 504 milion € fitim neto në 2022, një rritje e konsiderueshme krahasuar me vitin 2021. ISBD tani kontribuon me 14% në fitimet e përgjithshme të grupit më të gjerë.

Rottigni mori rolin e udhëheqësit në 1 janar 2020 – kështu që është e drejtë të thuhet se gjatë mandatit të tij ka pasur shumë sfida, duke përfshirë një pandemi globale dhe luftën.

Suksese të ndryshme

Rottigni e shpjegon suksesin e arritur gjatë këtyre kohërave të pasigurta me punën e palodhur të ekipit gjithnjë e më të larmishëm, i përbërë nga 21,000 persona që punojnë në të gjithë divizionin dhe faktit që diversiteti dhe ndryshimet mes tyre vlerësohen.

“Brenda divizionit, mbi 43% e njerëzve me përgjegjësi menaxheriale janë gra,” thotë Rottigni. “Kjo, mendoj, është një garanci për të ardhmen me kalimin e kohës. Ne e vlerësojmë diversitetin në përgjithësi – dhe ky është elementi pasurues.” 300 punonjësit që punojnë në zyrën qendrore të divizionit vijnë nga 21 vende dhe flasin 19 gjuhë.

“Ne kemi, le të themi, në gjenomin tonë imprimaturën e të qenit të ndryshëm dhe të pranimit të vetvetes në diversitetin që shprehim – diversitet që bëhet pasuri dhe vlerë, natyrisht.”

Rottigni vlerëson gjithashtu suksesin e divizionit për një kulturë bashkëpunimi brenda Grupit më të gjerë Intesa Sanpaolo. Në veçanti, Divizioni ISBD planifikon të zgjerojë më tej aktivitetet e tij të Bankës së Investimeve dhe Tregjeve Globale duke shfrytëzuar aftësitë e aftësive dalluese të Divizionit të Bankës së Korporatave dhe Investimeve të IMI, të nisë Këshillimin Ndërkombëtar të Korporatave për SME-të në sinergji me Banca dei Territori dhe të zhvillojë një model të shërbim për klientët privatë në bashkëpunim me Intesa Sanpaolo Private Banking dhe Eurizon.

Pikëpamja globale

Për Rottigni, Divizioni Ndërkombëtar i Bankave Filiale Intesa Sanpaolo – i cili përfshin 12 vende – ka një detyrë të dyfishtë. Së pari, për të promovuar aktivitetet ekonomike dhe tregtare të Italisë brenda territoreve të tjera. Së dyti, zhvillimi i ekonomive në të cilat banka operon.

Në këtë aspekt, falë pozicionimit të saj strategjik, ISBD vepron si një "urë me Italinë" për SME-të me profil ndërkombëtar. Për më tepër, evolucioni i peizazhit ekonomik dhe gjeopolitik global, i sjellë nga Covid-19 dhe konflikti Rusi-Ukrainë, ndikon në strukturën e zinxhirëve të vlerës dhe logjistikës ndërkombëtare.

Ai gjithashtu hap mundësi të vlefshme për rajonin Euro-Mesdhetar – veçanërisht Evropën Qendrore dhe Juglindore dhe vendet e MENA – duke i lejuar ISBD-së të përfitojë nga gjurma e saj e privilegjuar në zonë.

Shumë banka ISBD janë të vlerësuara me çmime të shumta në territoret e tyre të origjinës, duke fituar çmime dhe duke u renditur lart – një shenjë se inovacioni bankar italian është transmetuar me sukses. Për shembull, Banca Intesa Beograd në Serbi për të shtatën vit radhazi është shpallur banka më e mirë në vend.

 “Le të themi se jemi bankat më të mira tani – jo për shkak të një efekti të jashtëzakonshëm njëvjeçar, por për shkak të vazhdimësisë”, thotë Rottigni.

“Kjo forcë, që rrjedh nga përkatësia jonë në një prej grupeve kryesore bankare evropiane, përkthehet në mbështetjen tonë për rritjen e ekonomive reale vendase, bizneseve dhe familjeve njësoj, duke vlerësuar angazhimin tonë të fortë ndaj përgjegjësisë sociale të korporatave.

Lufta në Ukrainë

Por operimi funkisonal në territore kaq të gjera nuk është i lehtë. Pjesë e portofolit të ISBD është Pravex Bank filiali ndërkombëtar në Ukrainë, ku 850 persona nga stafi i kanë mbajtur degët e hapura për klientët gjatë gjithë konfliktit.

“Më duhet të pranoj dhe të falënderoj nga zemra stafin tonë që jeton në Ukrainë. Pavarësisht kushteve të pakëndshme, ata kanë vijuar të punojnë duke kontribuar në totalin dhe vazhdimësinë e grupit,” thotë Rottigni.

“Kjo është diçka që më bën veçanërisht krenar – se si, në ditët e para të kësaj tragjedie, bankat tona fqinje në kufijtë e Ukrainës dhanë mbështetjen e tyre të pakursyer.

“Edhe në një kohë të errët – që vazhdon të mbetet e errët në shumë aspekte – fakti që kishte një solidaritet të tillë natyral më bën të mendoj se ky është një vend i veçantë për të punuar.”

Qëllimet e së ardhmes

Duke u mbështetur në suksesin e tre viteve të fundit dhe duke parë nga e ardhmja, Rottigni do të përqendrohet në një kombinim të menaxhimit të riskut dhe zhvillimit të biznesit, ndërsa ai drejton divizionin drejt rritjes me një cilësi të lartë. “Formula magjike po ofron një bankë që ka fuqinë të kombinojë aktivitetin e përditshëm të bankingut komercial me aktivitetet më të jashtëzakonshme – ato që do të na çojnë në të ardhmen”, thotë ai.

Rottigni mendon se kjo rritje mund të ndërtohet vetëm duke vazhduar angazhimin e vahdueshëm të grupit ndaj parimeve ESG. Kjo ka qenë dhe një ndër shtyllat kryesore të planit më të fundit të biznesit të Grupit Intesa Sanpaolo.

“Të dhënat dëshmojnë për aftësinë tonë për të qenë jo vetëm gjenerues të të ardhurave, por për të qenë gjenerues i të ardhurave të shëndetshme që ndjekin edhe parimet e etikës”, thotë Rottigni.

Përshtatshmëria dhe suksesi në të ardhmen mund të arrihen në ISBD falë kulturës së brandit Intesa Sanpaolo: një angazhim për shërbime bankare me cilësi të lartë, inovative dhe me ndikim.

Siç thotë Rottigni: "Çdo gjë mund të ndërtohet brenda një komuniteti me qëllim, si ai i Intesa Sanpaolo që personifikon një identitet të fortë në Evropë."