Depozita Standarde me afat

Afatet që ofrohen për Depozitat me Afat janë kryesisht: 3 mujore, 6 mujore, 21 mujore, 1 vjeçare dhe 2 vjeçare (sipas specifikimeve në Tabelën e Normave të Interesit). Për raste të veçanta mund të pranohen dhe afate të ndryshme nga këto, por kjo do të ishte subjekt i marrëveshjeve individuale me klientin.

Banka paguan interes për sa kohë që Depozita qëndron në bankë sipas afatit të përcaktuar nga klienti.

Normat e interesit që banka publikon janë me bazë vjetore dhe llogariten sipas ditëve që i takojnë periudhës së zgjedhur nga klienti nga data e fillimit deri në datën e maturimit të depozitës. Gjatë periudhës së zgjedhur nga klienti, norma e interesit mbetet e njëjta edhe nëse normat në Tabelën e Normave të Interesit ndryshojnë.

Depozita me Afat është një formë kursimi dhe si e tillë nuk parashikohet të përdoret për të kryer pagesa. Nëse do të dëshirosh të kryeni pagesa do t’ju sygjeronim që perveç Depozitës me Afat të hapni edhe një Llogari Rrjedhëse.

Ti mund të depozitosh fonde në çdo moment, por ato do t’i shtohen Depozitës tuaj ekzistuese vetëm në datën e saj të maturimit. Nëse dëshiron të depozitoni në çdo moment pa asnjë kufizim, ne do t’ju sugjeronim Llogarinë e Kursimeve.

Në çdo moment, ju mund të pajiseni me një printim të gjendjes tuaj totale në bankë, si dhe për çdo llogari depozite të re do të pajiseni me një kontratë. Gjithashtu, Banka ofron mundësinë e shikimit të gjëndjes së llogarisë suaj nga interneti nëpërmjet shërbimit – Internet Banking.

Asgjë më shumë sesa një dokument identifikimi, si pasaportë të vlefshme, letërnjoftim, apo çertifikatë me fotografi (lëshuar në 3 muajt e fundit).