Depozita 1 vjeçare në LEK

Banka paguan interes për sa kohë që Depozita qëndron në bankë sipas afatit të përcaktuar nga klienti.

Normat e interesit që banka publikon janë me bazë vjetore dhe llogariten sipas ditëve që i takojnë periudhës së zgjedhur nga klienti nga data e fillimit deri në datën e maturimit të depozitës. Gjatë periudhës së zgjedhur nga klienti, norma e interesit mbetet e njëjta edhe nëse normat në Tabelën e Normave të Interesit ndryshojnë.

Depozita është një formë kursimi dhe si e tillë nuk parashikohet të përdoret për të kryer pagesa. Nëse do të dëshirosh të kryesh pagesa do të të sugjeronim që perveç Depozitës të hapësh edhe një Llogari Rrjedhëse.

Ti mund të depozitosh fonde në çdo moment, por ato do t’i shtohen Depozitës ekzistuese vetëm në datën e saj të maturimit. Nëse dëshiron të depozitosh në çdo moment pa asnjë kufizim, ne do të të sugjeronim Llogarinë e Kursimeve.

Në çdo moment, mund të pajisesh me një printim të gjendjes tënde totale në bankë, si dhe për çdo llogari depozite të re do të pajisesh me një kontratë. Gjithashtu, Banka ofron mundësinë e shikimit të gjëndjes së llogarisë tënde nëpërmjet platformës Digital Banking.

Asgjë më shumë sesa një dokument identifikimi, si pasaportë të vlefshme, letërnjoftim, apo çertifikatë me fotografi (lëshuar në 3 muajt e fundit).