Tiranë, 7 tetor 2022 - Grupi Intesa Sanpaolo nënshkruan marrëveshjen prej 2.7m euro me Grupin e Printimeve D'Auria në korrik të vitit 2022. Nëpërmjet kësaj marrëveshjeje grupi kontribuon në zhvillimin e frymës së ndërkombëtarizimit për klientët vendas dhe të huaj.   

Grupi D'Auria, me qendër në Ascoli Piceno, operon në sektorin e printimeve për fletëpalosje, materialeve reklamuese dhe ambalazhuese, botimeve tradicionale dhe çantave të copës për blerje. Grupi ka klientë me reputacion në sektorin e shitjeve me shumicë të tillë si, Conad, Acqua dhe Sapone, në sektorin e modës, Ferragamo, Luisa Spagnoli, paketim dhe botimee, Buffetti, Il Sole 24 Orë.

Procesi i ndërkombëtarizimit të Grupit D’Auria filloi në vitin 2017, përmes themelimit të D-Print Europe Sh. P.k., një filial me qendër në Shqipëri që operon kryesisht në sektorin e ambalazheve luksoze. Në atë kohë, grupi u bë pjesë e tregut shqiptar me mbështetjen konsulente të ekipit të Strategjisë së Biznesit të “ISP Enterprise Internationalization Development”.

Gjatë vitit 2022, falë bashkëpunimit mes drejtuesëve të grupit D’Auria dhe strukturave të ndryshme të Bankës si Divizioni i Biznesit, Specialisti i Ndërkombëtarizimit, Specialisti i GTB dhe Desk Multinacional i Intesa Sanpaolo Bank Albania, u bë i mundur financimi për një total prej 2.7 milionë euro për një projekt të ndarë në dy pjesë të rëndësishme.

Pjesa e parë e projektit është një kredi “Sace Green” prej 700,000 € kundrejt një investimi total që i kushton kompanisë 800,000 € për instalimin e një sistemi fotovoltaik për vetëkonsum. Ky projekt është në përputhje me parimet mjedisore dhe sociale (ESG), dhe kontribuon në kalimin drejt ekonomisë së rinovueshme. Kjo e fundit, ndikon në uljen e kostove për biznesin në kushtet aktuale të ekonomisë.

Ermenita Hasarani, Drejtore e Departamentit të Korporatave Shumëkombëshe, Intesa Sanpaolo Bank Albania u shpreh se: “Intesa Sanpaolo konfirmon gjithmonë të jetë një partner i vlefshëm për zgjerimin jashtë vendit të kompanive të huaja dhe është një lider për mbështetjen e projekteve të ekonomisë së gjelbër në përputhje me parimet mjedisore dhe sociale (ESG).”  

Pjesa e dytë e projektit në vlerën e 2 milionë euro konsiston në përmirësimin e vendit të prodhimit të filialit shqiptar. Plani i investimit që do të financohet me rreth 3 milionë euro për periudhën dy vjeçare 2021-2022 dhe tashmë i paguar për mbi 900 mijë euro, parashikon blerjen e makinerive dhe pajisjeve për prodhimin e ambalazheve dhe qeseve për blerje. Ky plan investimi ndjek tendencën që përfshin kompani të ndryshme evropiane, me synimin e reduktimit të hallkave të zinxhirit të furnizimit, duke blerë në Evropë atë që ishte blerë më parë në Kinë.

Projekti “Albania” është rasti i parë i bashkëpunimit midis Intesa Sanpaolo dhe SACE (Agjencia Italiane e Kredisë së Eksportit) në fushën e ndërkombëtarizimit, si garanci e një operacioni të alokuar në një rrjet të huaj nga Intesa Sanpaolo.