INTESA SANPAOLO BANK ALBANIA VLERESOHET

Tiranë, 15 Maj 2023 – Intesa Sanpaolo Bank Albania, pjesë e Grupit Intesa Sanpaolo, është vlerësuar nga revista ndërkombëtare prestigjioze Global Banking Finance* për aplikacionin bankar dixhital (ISPBA Mobile Banking), me çmimin “Aplikacioni Bankar më Inovativ në Shqipëri për vitin 2023”:

Intesa Sanpaolo Bank Albania është një bankë lider në treg për dixhitalizimin dhe inovacionin. Për të disatin vit rradhazi, Banka është vlerësuar për cilësinë e shërbimit bankar që ofron nëpërmjet kanaleve online. Aplikacioni bankar, Digital Banking përmirësohet vazhdimisht me produkte dhe shërbime unike, si për shembull aplikimi për kartat e debitit, aplikimi dhe marrja e kredisë së shpejtë konsumatore dhe shumë funksionalitete të tjera që klientët mund ti përdorin tërësisht online, pa qenë nevoja të vizitojnë degën. Ky çmim vjen si rezultat i një investimi të madh jo vetëm në teknologjitë e avancuara, por edhe falë përkushtimit dhe profesionalizmit të stafit tonë.

Z. Alessandro D’Oria, Drejtori i Përgjithshëm Ekzekutiv i Intesa Sanpaolo Bank Albania u shpreh: "Jemi shumë të lumtur që aplikacioni bankar dixhital, Digital Banking, vlerësohet si aplikacioni më inovativ në Shqipëri për vitin 2023. Ky çmim konfirmon përkushtimin e Bankës për të qenë pararojë në procesin e dixhitalizimit në vend, me një platformë e cila lejon marrjen e shërbimeve “nga fillimi deri në fund”. Funksionalitete të reja do të prezantohen në të ardhmen, duke përdorur teknologji të sofistikuara dhe unike. Kjo është e mundur falë mësimit nga praktikat më të mira të grupit bankar, Intesa Sanpaolo si edhe stafit të vendosur në sjelljen e risive.”

Intesa Sanpaolo Bank Albania është e listuar në kompanitë fituese të cilat mund ti gjeni në link: globalbankingandfinance.com/global-banking-finance-awards-2023-award-winners

*Global Banking & Finance Review® është portali kryesor financiar dhe revista që publikon Lajme, Analiza, Opinione, Vlerësime, Intervista dhe Video nga bota e Bankave, Financës, Biznesit, Tregtisë, Teknologjisë, Investimit, Ndërmjetësimit, Këmbimit Valutor, Tatimeve & Legjislacionit, Financave Islame, Menaxhimit të Aktiveve & Pasurisë. Çmimet Global Banking & Finance filluan të akordoheshin në vitin 2011 për të vlerësuar dhe nderuar ndryshimet frymëzuese që ndodhin në komunitetin global financiar. Ato pasqyrojnë risitë, arritjet, strategjinë, ndryshimet progresive dhe frymëzuese që ndodhin në sektorin financiar çdo vit, me ndihmën e analistëve financiarë zgjedhin bankat me ecurinë më të mirë midis bankave ndërkombëtare dhe ofruesve të shërbimeve financiare dhe çmimet jepen në sektorë të ndryshëm financiarë. Performuesit kryesorë në këtë kategori zgjidhen përmes vlerësimit të një grupi të kritereve të cilat përfshijnë: modelin e biznesit të qëndrueshëm, qeverisjen e shëndoshë, rezultatet e arritura gjatë vitit të kaluar, përsosmërinë në menaxhim dhe drejtim, teknologjinë inovative që u ofrohet klientëve dhe drejtimin e kryesimin në transformimin dixhital.

Rreth Intesa Sanpaolo Bank Albania: Intesa Sanpaolo Bank Albania, pjesë e Grupit Intesa Sanpaolo, është një bankë udhëheqëse në vend që ofron shërbime bankare cilësore, zgjidhje financiare, produkte dhe shërbime inovative për klientët e korporatave, klientët institucionalë dhe klientë me të ardhura të larta, bizneset e vogla dhe të mesme dhe klientët individualë. Ne inkurajojmë një stil të rritjes, i cili është i vëmendshëm ndaj rezultateve të qëndrueshme dhe krijimit të një procesi të bazuar në besimin që rrjedh nga kënaqësia e klientit dhe aksionarëve, një ndjenjë e përkatësisë nga ana e punonjësve tanë dhe monitorimi i ngushtë i nevojave të komuniteteve lokale. Ne konkurrojmë në treg me një ndjenjë të lojës së drejtë dhe jemi të gatshëm për të bashkëpunuar me subjektet e tjera ekonomike, publike dhe private, sa herë që është e nevojshme të forcojmë kapacitetin e përgjithshëm për rritje në ekonomitë e vendeve ku veprojmë. Intesa Sanpaolo Bank Albania bleu Veneto Bank në 2017 dhe tani ka një rrjet prej 35 degësh në qytete të ndryshme të vendit dhe do të vazhdojë të zgjerohet strategjikisht duke ndjekur nga afër zhvillimin ekonomik të Shqipërisë. Besimi, inovacioni, thjeshtësia dhe qëndrueshmëria përcaktojnë marrëdhëniet tona me klientët tanë dhe inovacioni i biznesit dhe përsosmëria e shërbimit frymëzohen nga klientët tanë.

Për më shumë informacion: media.relation@intesasanpaolobank.al

Rreth Intesa Sanpaolo: Intesa Sanpaolo është grupi bankar kryesor i Italisë – në shërbim të familjeve, bizneseve dhe ekonomisë vendase – me një prani të konsiderueshme ndërkombëtare. Modeli dallues i biznesit i Intesa Sanpaolo e bën atë një lider evropian në Menaxhimin e Pasurisë, Mbrojtjen dhe Këshillimin Financiar, me një fokus të veçantë në zhvillimin dixhital dhe fintech. Një bankë efikase dhe elastike, ajo përfiton nga bizneset në pronësi të plotë për zhvillimin e produkteve, menaxhimin e aseteve dhe sigurimin. Angazhimi i vazhdueshëm i Grupit ndaj parimeve të SMC përfshin dhënien e 115 miliardë eurove në kredi për projekte me ndikim social dhe mjedisor deri në vitin 2025 për komunitetet dhe ekonominë rrethore, dhe 500 milionë euro në kontribute për të mbështetur njerëzit më në nevojë, duke e pozicionuar Intesa Sanpaolo si një lider botëror. për sa i përket ndikimit social. Intesa Sanpaolo është e angazhuar të arrijë Neto Zero deri në vitin 2030 për emetimet e veta dhe deri në vitin 2050 për portofolet e saj të huave dhe investimeve. Një mbështetës i përkushtuar i kulturës italiane, Grupi Intesa Sanpaolo ka krijuar rrjetin e tij të muzeve, Galleri d'Italia, për të prezantuar trashëgiminë artistike të bankës, por edhe si një hapësirë ​​për zhvillimin e projekteve prestigjioze kulturore.

Lajme: group.intesasanpaolo.com/en/newsroom/news

Twitter: @intesasanpaolo

LinkedIn: linkedin.com/company/intesa-sanpaolo

Për më shumë informacion: media.relation@intesasanpaolobank.al