Tiranë, 2 tetor 2026 – Intesa Sanpaolo Bank Albania, pjesë e Grupit Intesa Sanpaolo, vijon mbështetjen e saj për arsimin e lartë dhe talentet e reja në Shqipëri, duke ofruar 27,000 euro bursa për tre studentë të pranuar në programin Master i Arteve në Transformimin dhe Integrimin Evropian pranë College of Europe në Tiranë.

Kjo nismë shënon vitin e tretë radhazi të programit të bursave të Bankës në bashkëpunim me College of Europe, duke rikonfirmuar angazhimin e Intesa Sanpaolo Bank Albania për të investuar në arsim, për të zhvilluar aftësitë e një brezi të ri profesionistësh dhe për të mbështetur rrugëtimin e Shqipërisë drejt një integrimi gjithnjë e më të ngushtë evropian.

Kontributi do të financojë tre bursa të pjesshme, duke u mundësuar tre studentëve të përzgjedhur të ndjekin studimet pasuniversitare në një prej institucioneve më të njohura në Evropë për arsimin dhe formimin pasuniversitar në fushën e çështjeve evropiane.

Nëpërmjet kësaj marrëveshjeje, Intesa Sanpaolo Bank Albania forcon më tej angazhimin e saj për të mbështetur zhvillimin e njohurive, aftësive dhe kapaciteteve profesionale përmes mundësive akademike cilësore në Shqipëri, veçanërisht atyre që ofrohen në bashkëpunim me institucione arsimore të njohura ndërkombëtarisht. Kjo nismë pasqyron gjithashtu angazhimin më të gjerë të Bankës për të investuar në kapitalin njerëzor dhe për të krijuar mundësi që të rinjtë të kontribuojnë në zhvillimin social dhe ekonomik afatgjatë të Shqipërisë, si edhe në rrugëtimin e saj drejt integrimit evropian.

Marrëveshja u nënshkrua zyrtarisht në College of Europe në Tiranë nga João Gomes Cravinho, Rektor i College of Europe, dhe Giuseppe Giampietro, Drejtor i Përgjithshëm Ekzekutiv i Intesa Sanpaolo Bank Albania.

Giuseppe Giampietro, Drejtor i Përgjithshëm Ekzekutiv i Intesa Sanpaolo Bank Albania, u shpreh:

“Për të tretin vit radhazi, jemi krenarë që qëndrojmë përkrah College of Europe dhe investojmë drejtpërdrejt në arsimimin dhe aspiratat e të rinjve të talentuar. Mbështetja e arsimit është shumë më tepër sesa ofrimi i ndihmës financiare; ajo është një investim në drejtuesit e së ardhmes së familjes evropiane. Si pjesë e një prej grupeve bankare lider në Evropë, me një prani afatgjatë në Shqipëri, ne besojmë se sektori privat ka një rol të rëndësishëm në krijimin e mundësive për brezat e rinj që të fitojnë njohuri, të zgjerojnë horizontet e tyre dhe të kontribuojnë në zhvillimin e vendit. I përgëzoj përfituesit e bursave dhe u uroj çdo sukses në nisjen e këtij rrugëtimi të rëndësishëm akademik.”

João Gomes Cravinho, Rektor i College of Europe, u shpreh:

“Mundësia për të përfituar nga një arsim i shkëlqyer duhet të varet nga talenti dhe ambicia, jo nga mundësitë financiare. Për këtë arsye, i jemi shumë mirënjohës Intesa Sanpaolo Bank Albania që vijon mbështetjen e saj për të tretin vit radhazi. Këto tre bursa të pjesshme do t’u mundësojnë studentëve të talentuar të ndjekin studimet në College of Europe në Tiranë dhe të përgatiten për të kontribuar në të ardhmen evropiane të Shqipërisë dhe të rajonit. Ky angazhim i vazhdueshëm është një shembull domethënës se si sektori privat mund të mbështesë arsimin, krijimin e mundësive dhe formimin e brezit të ardhshëm të profesionistëve në fushën e integrimit evropian.”

Bashkëpunimi i vazhdueshëm ndërmjet Intesa Sanpaolo Bank Albania dhe College of Europe pasqyron një angazhim të përbashkët ndaj arsimit, ekselencës dhe formimit të brezave të ardhshëm të profesionistëve evropianë. Përmes kësaj nisme, Banka kontribuon në zgjerimin e mundësive për ndjekjen e arsimit pasuniversitar me standarde të larta, duke nxitur njëkohësisht studentët e talentuar të zhvillojnë ekspertizën dhe perspektivën ndërkombëtare të nevojshme për të kontribuar në zhvillimin institucional, ekonomik dhe shoqëror të Shqipërisë.

 

 

 

Rreth Intesa Sanpaolo Bank Albania:

Rreth Intesa Sanpaolo Bank Albania:

Intesa Sanpaolo Bank Albania, pjesë e Grupit Intesa Sanpaolo, është një institucion financiar lider, i angazhuar në ofrimin e zgjidhjeve bankare inovative për klientët korporatë dhe institucionalë, ndërmarrjet e vogla dhe të mesme, bizneset e vogla, klientët me pasuri të lartë dhe individët. Me një fokus të fortë te rritja e qëndrueshme, ne integrojmë parimet ESG në veprimtarinë tonë, duke promovuar një model bankar të përgjegjshëm dhe zhvillimin e komunitetit.

Shërbimet tona të menaxhimit të pasurisë ofrojnë strategji financiare të personalizuara, të orientuara drejt ruajtjes dhe rritjes së aseteve të klientëve, si edhe diversifikimit të portofolave të tyre të investimit. Duke vepruar mbi bazën e integritetit, transparencës dhe bashkëpunimit, ne kontribuojmë në zhvillimin ekonomik të Shqipërisë përmes konkurrencës së ndershme dhe partneriteteve strategjike.

Me një rrjet prej 35 degësh në të gjithë vendin, ne vijojmë të zgjerojmë praninë tonë në përputhje me zhvillimin ekonomik të Shqipërisë.

LinkedIn: https://www.linkedin.com/company/intesa-sanpaolo-bank-albania/

 

Rreth Intesa Sanpaolo:

Intesa Sanpaolo, me mbi €421 miliardë të ofruara në financime dhe €1.4 trilion në asete financiare të klientëve deri në shtator 2025, është grupi më i madh bankar në Itali, me një prezencë të rëndësishme ndërkombëtare.

Grupi është një lider evropian në menaxhimin e pasurisë, me një fokus të lartë në sferën dixhitale dhe fintech. Intesa Sanpaolo ka zhvilluar një program të Inteligjencës Artificiale në shkallë të gjerë, që aktualisht përfshin rreth 150 raste përdorimi dhe që ofron përfitime të qenësishme për Grupin.

Grupi do të ofrojë €115 miliardë kredi për projekte të qëndrueshme deri në vitin 2025 për të mbështetur komunitetet dhe tranzicionin e gjelbër, së bashku me një program prej €1.5 miliardë (2023-2027) për të ndihmuar njerëzit në nevojë.

Rrjeti i muzeve të Bankës, Gallerie d'Italia, kuron dhe prezanton trashëgiminë e saj artistike dhe projekte kulturore të vlerësuara në kohë. 

LinkedIn: linkedin.com/company/intesa-sanpaolo

 

Rreth College of Europe:

College of Europe, i themeluar me nismën e Kongresit të Hagës, e ka zanafillën në vitin 1949. Ideja themeluese ishte krijimi i një institucioni ku të diplomuar nga vende të ndryshme evropiane të mund të studionin dhe të jetonin së bashku, duke u përgatitur për karriera të lidhura me bashkëpunimin dhe integrimin evropian.

College of Europe është një institucion pasuniversitar i specializuar në studimet evropiane. Kampusi i parë u hap në Bruges, Belgjikë, i dyti ndodhet në Varshavë, Poloni, ndërsa kampusi i tretë u krijua në Tiranë, Shqipëri.

Çdo vit, qindra studentë nga e gjithë Evropa dhe më gjerë përfitojnë nga një përvojë e mirëfilltë shumëkulturore e të nxënit, përpara se të nisin karriera ndërkombëtare premtuese. Ata kontribuojnë në krijimin e një mjedisi akademik të pasur dhe të larmishëm. Institucioni njihet për standardet e larta akademike dhe për rolin e tij në përgatitjen e drejtuesve të ardhshëm dhe të ekspertëve në fushën e çështjeve evropiane dhe ndërkombëtare.

LinkedIn: https://www.linkedin.com/school/collegeofeuropebruges/